kutubhona

бизга яқинми, узоқми, яқин бўлса, муножот қилайлик, узоқ бўлса, нидо қилайлик, деди. Пайғамбар с.а.в. жим бўлиб қолдилар. Шунда Аллоҳ Таоло мана бу муборак

وَإِذَا سَأَلَكَ عِبَادِي عَنِّي فَإِنِّي قَرِيبٌ
(бандаларим сиздан (эй Муҳаммад) Мен ҳақимда сўрасалар. Мен уларга яқинман) оятни нозил қилди.51
Аллоҳ Таоло бу оятда бизга Ўзининг яқинлигини, дуо қилувчи дуо қилса, унинг дуосини эшитишини билдиряпти. Аллоҳ бандасининг дуосини эшитади ва ижобат қилади, бандасини ноумид қолдирмайди. Ҳеч нарса У Зотдан махфий эмас. Аллоҳ бандасига яқиндир. Уни эшитиб, кўриб туради. У Зот Мусо ва Ҳорун \ларга мана бундай дейди:

إِنَّنِي مَعَكُمَا أَسْمَعُ وَأَرَى
– „Шак-шубҳасиз Мен сизлар билан биргаман — эшитиб, кўриб турурман“. [20:46]
Пайғамбар с.а.в. айтадилар:

«قَالَ اللهُ تَعَالَى أَنَا مَعَ عَبْدِى مَا ذَكَرَنِى وَتَحَرَّكَتْ بِى شَفَتَاهُ»

«Аллоҳ Таоло айтади: модомики, бандам Мени эслаб, Мени деб икки лаби қимирлаб турар экан, Мен у билан биргаман».52
Кейин Аллоҳ Таоло бандаларидан Аллоҳдан дуоларини ижобат қилишини сўрашларини, У Зотга имон келтиришларини, итоат этишларини, шариатига бўйсунишларини, гуноҳ қилмасдан дуо қилишларини талаб қилиб, шундай қилсалар, Аллоҳ уларнинг Аллоҳга яқинлашиш учун қилган бу амалларини қабул қилиб, дуоларини ижобат қилишини айтяпти. Шояд шунда ҳидоят топсалар, яъни, дуонинг ижобат бўлишига олиб борадиган сабабларга йўл топа олсалар.

فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ
(Бас, ҳақ йўлга юришлари учун (улар ҳам) Менинг (даъватимга) жавоб қилсинлар ва Менга имон келтирсинлар).

Дуо ҳақида:
Шу ерда дуога алоқадор айрим ишларни эслаб ўтиш мақсадга мувофиқдир. Токи, банда олдин дуонинг нималигини аниқ билиб олиб, кейин Парвардигорига дуо қилсин.

1- Дуо ибодатдир. Ибодатгина эмас, ибодатнинг мағзидир. Аллоҳ Таоло айтади:

(51) Дуррул Мансур: 2/469. Тафсири Табарий: 2/158.

(52) Ибн Можа: 3782. Аҳмад: 2/540.